أن تصدر صحيفة باللغة العربية في عاصمة الحب والجمال السويدية أستوكهولم .. وأن تشق يوروتايمز طريقها وتسبح عكس تيار العولمة والهرولة نحو الأعلام الألكتروني ، وأن تثبت جدارة عجزت عنها صحف ورقية ظهرت ، ثم سرعان ما أندثرت .. أنزوت .. تبخرت ، وأن تشكل رأس الرمح في التسابق والتنافس مع أخريات لأصطياد الخبر والتقرير والتحليل الى آخر عائلة الصحافة ، وأن تستقطب أقلاما طالما أتعبها الهم الوطني العراقي وسط آلام الأغتراب ، وأن تخترق الأمكنة لتلبي الطموحات والأمزجة بأستمرار ، وأن يكون خطابها صريح ومباشر ولايعرف للمهادنة طريقا ، وأن يعاديها اللصوص والشفاطون واللفاطون والخماطون لأموال المكاريد ، وأن تنبري لفضح ثلّة جهلة المنطقة الخضراء ومن أذنابهم خارج العراق ، وأن لاتلتزم بالسرعة المحددة وهي تقود طريقها الى خارج مملكة السويد لتصل الى أوربا وبعض أمة العرب بسرعة جنونية .. قبعتي المتواضعة أرفعها لك سيدة الأعلام العربي في أوربا .
2
أن يقدم زعيم الحزب الديمقراطي الكردستاني في العراق مسعود برزاني على خطوة إنتحارية .. وأن يصر على إعلان دولته الكردية المزعومة ، وأن يجيّش البيشمركة والزج بهم الى محرقة الحرب ، وأن يتحدى الفيتو الأقليمي والدولي الذي يرفض هذه الفكرة جملة وتفصيلا ، وأن يعلن أن له أذن من طين وأخرى من عجين فلم يعد يسمع العقلاء ويجازف بالناس البسطاء ، وأن يدفع بعناده الأهوج محيط كردستان الى إغلاق المنافذ الحدودية والجوية فيشعر المواطن البسيط أنه شبه معزول عن باقي خلق الله ، وأن يزعل على بغداد تيمنا بزعل العصفور على بيدر الدخن ، وأن يحيل كردستان الى خراب إذا ما وقعت الواقعة من الجهات الأربعة ، وأن تغادر الأسعار سياسة الأستقرار وتتعلق بأستخدام طريقة الطفر بالزانة ، حتى لبن أربيل تحرك من مكانه .. ولم يعد يفكر بالملح والزاد والتمر في بغداد ، وأن يرفع شعار لو ألعب ولاأحد يحاسبني .. لو أخرّب الملعب بما يناسبني ، هربجي كرد وعرب على عناد أمريكا .
3
أن يرن هاتفي بينما كانت عقارب الساعة تعبر حاجز الرابعة فجرا بقليل في يوم خريفي ممطر ، وأن يكون المتصل من بصرة العراق أم الخبزة .. ألو .. شلونك خالي شخبارك ان شاء الله بخير .. مشتاقيلك وأمي تعتب عليك كلش هواي وزعلانه كلش هواي لأن صارلك مدة ما مخابرها .. انت مو واعدتها ادزلها الفلوس من ذاك الأسبوع ؟ عود ليش تأخرت عليها ؟ خالي انت خوش زلمة وأمي شادة بيك ظهرها .. هيه ما تدري آنه أتصل بيك ، وأنت لا تكللها تره تزعل مني وانت تعرف أختك شلون من تزعل .. شي يرضّيها بعد ؟ خالي فدوه أروحلك يمته تكدر ادز الفلوس ؟ كلي بيني وبينك وأني أسويها مفاجأة لأختك حتى تفرح .. بس انت ضعفان خالي عود ليش .. كتله مو زين أضعف ؟ كال خالي لا طالع موحلو بالسمن أحلى .. كتله انت منو بعد خالك ؟ كال شني ماعرفتني .. لا .. أنه علاوي ابن صفية .. صفيه منو ؟ أختك خالي شني السالفه ! بعد خالك انت عليمن متصل ؟ انت مو خالي كاظم ؟ كتله سلملي على أمك وأبلغها بأنك متصل برقم خطأ .. لأن اني مو كاظم ولا عندي أخت أسمها صفيه !! الحمد لله والشكر.
كاتب صحفي / السويد
